Domingo 33º do Tempo de Ordinario
Lectura
do Santo Evanxeo segundo San Marcos (Mc 13, 24 – 32)
« A chegada do Fillo do Home e o
exemplo da figueira »
Naquel tempo, dixo Xesús
aos seus discípulos:
- Naqueles días, pasada xa aquela angustia, o sol hase escurecer, a lúa
deixará de aluar, as estrelas caerán do ceo, abalarán as potencias do ceo.
Entón verán vir o Fillo do Home sobre as nubes con grande poder e gloria. E
mandará os anxos para reuniren os elixidos desde os catro ventos do cabo da
terra ata o cabo do ceo.
Aprendede da comparanza da figueira. Cando lle saen os gromos e bota a
folla, comprendedes que o verán está a chegar. Así tamén vós, cando vexades que
pasan estas cousas, sabede que xa está pretiño, á porta. Asegúrovos que non pasará esta xeración sen
que antes suceda todo isto. O ceo e mais a terra pasarán, pero as miñas
palabras non pasarán.
En canto ó día e mais a hora no que isto vai acontecer ninguén sabe nada,
nin os anxos do ceo, nin o Fillo; sábeo o Pai soamente. Estade logo á espreita
e atentos, que non sabedes cando será o momento.
Palabra do Señor
 |
Santo
Evanxeo segundo San Marcos (Mc 13, 24 – 32) - A chegada do Fillo do Home
Ningún comentario:
Publicar un comentario