V Domingo de Pascua - Ciclo A
Lectura do Santo Evanxeo segundo San Xoán (Xn. 10, 1 – 10)
«Xesús, camiño cara o Pai»
Naquel tempo dixo Xesús:
“Non vos agoniedes: crede en Deus e mais crede en min. Na casa do meu Pai hai moitas moradas; doutro
xeito, teríavos dito que vos ía arranxar
un lugar? E cando vaia e vos arranxe un
lugar, volverei e collereivos comigo, para que, onde estea eu, esteades vós
tamén. E a onde eu vou, vós ben sabedes
o camiño”.
Dille Tomé:
-
“Señor, se non sabemos onde
vas, como imos saber o camiño?”
Xesús respondeulle:
-
“Eu son o camiño, a verdade e
a vida: ninguén chega onda o Pai máis ca por min. Se me coñecésedes,
coñeceriades tamén a meu Pai; aínda que xa desde agora o coñecedes e o tedes
visto”.
Filipe díxolle:
-
“Señor, móstranos o Pai e
abóndanos”.
Xesús replicoulle:
-
“Pero, Filipe, levo tanto
tempo convosco e aínda non me coñeces? Quen me viu a min, viu o Pai. Como dis
entón "móstranos o Pai"? Non cres que eu estou no Pai e o Pai en min?
As palabras que eu vos digo non as falo pola miña conta; é o Pai, que permanece
en min, quen fai as súas obras. Crédeme
que eu estou no Pai e o Pai en min. Se non, polo menos crede por esas mesmas
obras. Con toda verdade volo aseguro:
quen cre en min, fará el tamén as obras que eu fago, e faraas meirandes aínda, pois
estou para irme onda o Pai”.
Palabra do Señor.
 |
| V Domingo de Pascua. Xesús, é o camiño cara ó Pai. |
Ningún comentario:
Publicar un comentario