O Botafumeiro
" Misticismo na Catedral de Santiago de
Compostela "
O fume e o cheiro a incenso se esparcen pola
catedral compostelá co poder dos rituais milenarios. A partir do momento en que
o tiraboleiro maior dá o impulso inicial ao botafumeiro, a mirada queda
irremediablemente prendida dese recipiente de 62 kg que hipnotiza co seu
movemento rítmico. En galego, o seu nome poderíase traducir literalmente como o
"bota fumes".
O enorme incensario aparece mencionado por primeira
vez no século XII, no Códice Calixtino, e sábese que o rei Luís XI de Francia
custeou un de prata no século XV, que foi roubado polas tropas napoleónicas
durante a Guerra da Independencia.
Por aquel tempo unha corda colgada dunhas vigas era
o único sistema de suxeición, ata que Juan Bautista Celma, a principios do
XVII, deseñou o mecanismo de poleas actual. Un prodixio que aínda marabilla
pola súa precisión: cun vaivén de 17 ciclos que dura 5 minutos, o botafumeiro
alcanza o 68 km/h e describe un ángulo de 82 graos.
O ritual sempre formou parte da liturxia da Catedral
de Santiago, aínda que non pode negarse que nas épocas de maior afluencia de
peregrinos o aroma mitigaba tamén os malos cheiros. Hoxe en día, converteuse
nun espectáculo que preserva todo o seu sentido espiritual. Non hai máis que
mirar os rostros ensimesmados cando o botafumeiro cesa o seu máxico movemento e
é descolgado.
Este ritual, que conta xa con 800 anos de tradición,
pode presenciarse doce veces ao ano de maneira fixa. Estas ocasións coinciden
con datas marcadas de forma especial no calendario por exemplo o 6 de xaneiro,
o domingo de resurrección, o 25 de xullo (festividade de Santiago Apóstolo), o
1 de novembro ou o día de Nadal entre outros.
 |
| Botafumeiro - Catedral de Santiago de Compostela |
Fonte: Publicación “National Geographic”
Ningún comentario:
Publicar un comentario