Confraria da Virxe do Carme - Barallobre: O Estanque de Siloé

O "Estanque de Siloé" e veracidade histórica
do Evanxeo de San Xoán

Do Evanxeo do IV Domingo de Coresma, Ciclo A, facemos unha achega a historicidade do texto de San Xoán. Xa que durante anos, algúns estudosos dubidaron da súa veracidade histórica.

Preto de Xerusalén, no ano 2004, foron descubertos os restos de chanzos do antigo estanque de Siloé, de acordo ao Evanxeo de Xoán, en contra do que se pensou por moito tempo que o situaban noutro lugar.

Foi neste sitio, segundo o capítulo 9 do texto xoánico, onde se nos conta a historia da curación por Xesús dun cego de nacemento. Despois de dicirlle aos seus discípulos que a cegueira do home non tiña nada que ver nin cos pecados do home nin nos dos seus pais, Xesús aplicou o barro aos ollos do home e díxolle que lavalo no estanque de Siloé.

A función do Estanque nos tempos de Xesús consistía en que a auga natural que fluía dende a Fonte de Xihón era empregada para o ritual do lavadoiro. Con todo, tamén era unha importante fonte de auga fresca para os habitantes dese lado da cidade. Aínda sen saber exactamente como era utilizada nos tempos de Xesús.

Polo menos desde o século V, os cristiáns identificaran un lugar en Xerusalén como o estanque de Siloé e o sitio do milagre. Pero non foi senón ate decembro do ano 2004 no que os arqueólogos atoparon o que están seguros é o antigo estanque. Do mesmo xeito que moitos destes achados, foi case por accidente. Durante os traballos de construción para reparar unha tubaxe de auga preto do Monte do Templo, arqueólogos israelís Ronny Reich e Eli Shukron atoparon "dous antigos chanzos de pedra". De acordo coa Biblical Archaeology Review, as escavacións posteriores revelaron que eran parte dun grupo monumental do período en que viviu Xesús.

O estanque era de forma trapezoidal e 225 pés de longo. Foi parte dos preparativos que o rei Ezequías fixo en anticipación dun asedio polo rei Senaquerib de Asiria. Segundo 2 Crónicas 32, "foi Ezequías quen bloqueou a saída superior do peirao de Xihón e canalizou a auga ata o lado oeste da cidade de David".

As escavacións seguiron mostrando máis seccións do estanque, tanto na parte norte como na sur. Varias perforacións de parte norte do estanque revelan grandes pedras de pavimento; mentres que na banda sur se desenterrou unha grande parede e unha sección do estanque do período do Antigo Testamento. Estas están no pozo debaixo da parede. En total uns 20 banzos (4 grupos de 5 cada un) foron escavados desde o nivel do chan ata o estanque.