Confraria da Virxe do Carme - Barallobre

Ave María en arameo co Papa Francisco

Co Papa Francisco, rezamos o Ave María en arameo polos nosos irmáns perseguidos por mor da súa fe.

A Fundación EUK Mamie-HM Televisión, dentro do “Proxecto Esperta”, está a realizar unha serie de breves vídeos que nos axuden a rezar con e polos cristiáns perseguidos, nos seus idiomas de orixe.

Nesta ocasión rezaremos o Ave María en arameo, o idioma no que falou e predicou o Señor, a lingua que lle ensinou a súa Santa Nai, a Virxe María. A día de hoxe, esta lingua segue sendo falada por moitos cristiáns procedentes de Siria e Iraq, lugares fortemente castigados polos ataques do Estado Islámico.

Con este Ave María en arameo, pidamos por todos os cristiáns que seguen rezando e ofrecendo as súas vidas a semellanza das primeiras testemuñas de Cristo.

Todas as imaxes usadas neste vídeo son do Convento de “Mar Taqla” ou Santa Tecla, en Maaloula (Siria) tras ser arrasado polo Estado Islámico.  Maaloula caracterízase por ser un poboado profundamente cristián, e por falar o arameo como lingua común entre as súas xentes.

Lembramos que a intención do Santo Pai Francisco para este mes de marzo é “precisamente- recemos polos nosos irmáns e irmás perseguidos, para que sintan o apoio de toda a Igrexa, a través da oración e da axuda material?. Lembren que, o Santo Pai, fai na súa mensaxe unha pregunta clave: "Fágolles unha pregunta, cantos de vostedes rezan polos cristiáns que son perseguidos"   Hoxe, con este Ave María en arameo, poderemos responder: todos!

Para poder ver o video cliquea no seguinte enlace:

https://youtu.be/OkNcOwVSQfE

Foto: imaxe da gráfica do programa

Ave María en arameo

Irmá. Beatriz Liaño, S.H.M.

Directora da Oficiña de Prensa

Fundación E.U.K. Mamie